(( ياصيد عيسان لاحتني عليك الغبينه .. وأمك تقل مسرعي بفرق حمام المدينة )) مشارك

السلام عليكم ورحمة الله وبركاته

يامرحبا ترحيبة كلها لش ... تكسيش من راسش الى حد ماطاش

تختلف العادات والتقاليد من قبيلة الى اخرى اختلاف بسيط ,,
وحاولت في هذ الموضوع أعطي تقاليد الزواج في الماضي بشكل عام في منطقة الجنوب بالمملكه العربيه السعوديه .

زماان كانوا الحريم اذا متزوجات يلبسون شيله سوداء واذا بنت تلبس ايشارب اصفر مثل الامووره الي فووق << على ذمة قوقل طبعاً

يبدأ الزواج بأنه الام تختار لولدها عرووس ياتكون من قرايبها ياتكون شافتها بعرس وعجبتها ,, بعدين تروح ام الشاب لأم البنت وتطلبها لولدها ,, وام العرووس تقول لابوها وهو يشاور اخوانه وخوال البنت ويسئلون والبنت طبعاً مسكينه ماتدري وين ربي حاطها ماتدري ولايعطونها خبر الا اذا تم كل شي ووافقوا والظاهر ماتدري الا اذا صار من بكره العرس << قويه مو

ويعطون اهل العريس الرد ويبدوون يجهزون ويتفقون على كل شي والبنت لسه ياعيني ماتدري عن شي
يتفقون على المهر والهديه للعروس وامها
مدري صراحه قد ايش مهرهم زمان بس العريس يجيب شنطه مثل ذي

يقش فيها للعروس من كل شي قماش وعطور وبخور وجزم ( ولكم الكرامه ) وشنط وكل شي تتوقعونه يحطونه بهالشنطه ويقدمونها للعروس بيوم ملكتها وطبعاً لازم يفرجون الحضوور وش في الشنطه يتفاخرون طبعا بالي يعطوونه ,,

ويعطي امها مبلغ قد ايش مدري
ويسوون اهل العرووس عشاء ويعزمون الاقارب وماعاد يشوفون بعض الا يوم الزواج

يتبع ..

ونجي الحين للزواج ,, تتحنا العروس قبل الزواج بليلة .. تحني يدينها ورجوله
الزواج عندهم يبدأ بعد صلاة العصر مباشرة يجتمعون قريبات العروس في بيت اهلها ويضربون الدف ويلقون القصائد ويتحركون بعد العصر في موكب وزغاريد واهازيج وشي حلوو

و العروس كانت تلبس الثوب المطرز المعرووف وتلبس الحلي من الفضه ووتكحل بالمكحله وشعرها يكون مجدل طبعا وتحط معه مجموعه من الريحان

ولما تخرج من بيت ابوها ,,اخوان العروس او ابوها يطلقون طلقات نارية في الهواء عشان يدرون الناس ان العروس خرجت من بيت ابوها
ولما توصل بيت العريس ,, اخوان العريس يطلقون طلقات نارية في الهواء

ويشيلون معاهم الخبزه وعفش العروس وشنطتها حقت اغراضها .
وفيه سفرة جاهزة في استقبالهم وقت العصر او وقت المغرب ""حسب العادات"" اسم السفرة الوصل
يكون فيها العريكة والمشغوثة والمبثوث والخبز المخبوز في التنور والعسل والسمن والقشد

وام العريس تستقبلهم في الشارع بالبخور وترحب فيهم "مرحباً الف مرحباً الف ,, داخلة خير علينا " وتدخلهم البيت يرتاحون شوي ثم تدخلهم على السفرة
وام العريس بعدها تاخذ العروسه وتمشيها في البيت وتعرفها عليه وتعرفها على اقارب العريس
وتدخلها المطبخ على طوووول ... ومن ليلتها تشتغل العروس ,, اذا مااشتغلت او ماعرفت تشتغل فما هي بنت ناس و يتشموتون في امها وفي تربيتها

يتبـع ..

اما عند الرجال..

والعريس يكون معه اقرابه وباقي اهل القرية يستقبلون ابو العروس وأهلها .

وجماعته يقدمون له مساعده كانها سلفه وكل واحد يقدم للعريس حسب قدرته وامكانياته المادية
ويتعشون كل اهل القرية على الذبيحه ,, وتكون الذبيحه ثور او بقرة او عدد من الخرفان ويكون بعد صلاة المغرب مباشره العشاء ..

وبعدها الرجال يرقصون (العرضة) الجنوبية لمده ثلاث ليال او خمس او سبع ليال على حسب عادات كل قبيلة..

وبعد العشاء كل واحد يروح بيته ويعيشون العروس والعريس في سبات ونبات ويخلفون صبيان وبنات

وان شاء الله تقريري اعجبكم واشوف البنات صافين يلعبون مع الحريم
والشباب يعرضوون

دمتم بحفظ الرحمن

http://www.3had.com/vb/showthread.php?t=46550

» msn-pis \ مشارك
» تي شيرت من عملي مشارك بمسابقة التي شيرتات بعهد الغرام