:: رحلتي الى المدينه المنوره ::

السلام عليكم ورحمة الله وبركاته
يسعد أيامكم بالخير ياارب
اليوم رحلتي للمدينه المنوره .. رحله كنا حابين فيها نزور الآماكن التاريخيه .
واستخدمنا الخريطه في رحلتنا ببعض الآماكن ..



وأهم شي طبعاً زيارة الحرم والروضة الشريفه ..
أجواء المدينه سبحان الله تحس من اول ماتدخلها براحه نفسيه .. وهدوء وشعور غريب يمكن عشانها مدينة الرسول صلى الله عليه وسلم ..
والاحساس داخل الحرم بعد احساس غريب سبحان الله
والآماكن التاريخيه بالمدينه المنوره كثيره منها:
1-مسجد قباء أول مسجد بني بالآسلام
2-المساجد السبعه وهي مجموعة من المساجد الصغيرة عددها الحقيقي ستة وليس سبعة كما هي شهرتها ولكنها اشتهرت بهذا الاسم (السبع المساجد) ويروي المؤرخون ان مسجد القبلتين الذي يبعد عنها كيلومتراً تقريباً يضاف إليها لأن من يزور تلك المساجد عادة يزور ذلك المسجد أيضاً في نفس الرحلة فيصبح عددها سبعة، وهناك من يقول بأنها في الأصل سبعة ولكن أحدها اندثر واختفت معالمه ونسي اسمه.
3-مسجد القبلتين .
4-وجبل أحد .

هذي أهم الآماكن التاريخيه بالمدينه المنوره كان لي زياره لها ماعدا مسجد القبلتين للأسف مازرتها ماسعفنا الوقت ..
نبدأ بالمساجد السبعه..
موقع المساجد
تقع هذه المساجد عند جزء من موقع الخندق الذي حفره المسلمون في عهد النبوة للدفاع عن المدينة عندما زحفت إليها جيوش قريش والقبائل المتحالفة معها سنة خمس للهجرة حيث وقعت أحداث غزوة الخندق والتي تعرف أيضاً بمسمى غزوة الأحزاب.

مسجد الفتح :








ومسجد الفتح موجود على جبل كذا مرتفع وجنبه مسجد سلمان الفارسي رضي الله عنه للاسف مالقيت صوره

مسجد ابو بكر الصديق رضي الله عنه ..



مسجد عمر بن الخطاب رضي الله عنه وكان مقفل








مسجد علي بن أبي طالب وفاطمه الزهراء رضي الله عنهم بس كانت مسوره ومحد يدخله موجوده بمنطقه مرتفعه وحولها كان اشجار ومكان كأنه حديقه





وهنا بعض الصور للمسجد الكبير اللي هناك والمناظر حول المساجد











وانتهت رحلة المساجد السبعه وكان احساس غير عادي انك تروح وتزور أماكن كان صحابة الرسول صلى الله عليه وسلم ورسولنا الكريم متواجدين فيه بزمن ما ..

بعدها رحنا لمسجد قباء اول مسجد بني بالاسلام طبعاً المسجد مترمم
صلينا فيه ركعتين لانه فضل الصلاة بمسجد قباء يعادل عمره

وهذي صور من عند المسجد اتركم معاها



















وأنتهت رحلتنا بمسجد قباء ورحنا لجبل أحد
جبل أحد مكان من أروع الآماكن .. يقولون كان اكبر من كذا بس عوامل التعريه وبعد لانهم رفعوا المنطقه من حوله صار جبل صغير الكل يقدر يطلعه


















أحلى مايميز هالآماكن ماتحس انه منظرك غريب اذا رحتلها تلاقي قروبات وباصات هناك وعالم موجوده الكل يحب بزيارة المدينه يزور هالاماكن الرائعه واللي تبقى بالذاكره دائماً ..



وطبعا عند جبل أحد فيه قبر شهداء أحد رضي الله عنهم
هناك تلقى لوحات مكتوبه بكل اللغات عشان زوار الجبل والمقبره .. لآنه لاحظنا كثير من الزوار الاجانب يدعون وويطلبون من اصحاب القبور .. وهذا مايجوز بالدين
واحلى شي بعد انه بكل منطقة الجبل تسمع شريط لشيخ يعلمك عن الموقع والاحداث اللي صارت فيه وينهى ويقول حكم الدعاء عند القبور بس لاحياة لمن تنادي ..









وبكذا أنتهت رحلتنا للمدينه .. طبعا كان فيه صور للحرم بس للاسف كلها جواال وبأعتبار كل الناس تعرف الحرم فما حبيت أنزلهم
ان شاء الله تكون رحلتي ببساطتها تكون أعجبتكم :ورده: