قضية : البنت لولد عمها !!

حصه تسمع صوت ابوها يناديها
حصه حصه ..
تترك شغلها بالمطبخ وتروح له
حصه : سم ابوي
ابو حصه : جاك فهد ولد ابو حسين يطلبك للزواج ..
حصه : تنتظر ابوها يكمل وهي عارفه الرد بس لازم تكمل السالفه للاخير
ابو حصه : وانا رديته وقلتله مالك نصيب عندنا ..البنت لولد عمها وحنا نحتريه يتوظف ونزوجهم
حصه : طيب يبه تبي شي والا اروح خلاص ..
ابو حصه : لا وقولي لامك جيب القهوه ..

حصه تطلع من عند ابوها وهي بتنفجر من الضيقه طيب هو رد وانهى كل شي ليه يعلمني
وانا داريه بكل الرد من الاول ماهي اول مره ولاهاي اخر مره.. وبكل مره يرد
نحتري و لد عمها اللي مابعد توظف ولاعمره بيتوظف .. واحد لعاب ماهمه شي ومتكل على ابوه

حصه : يمه ابوي يبي قهوه ..
طخ << خبطة الباب وهي تصكه
عمري 28 سنه وكل ماجا احد يبيني رده ابوي يقول انتظر حظي بولد هالعم اللي ماهو مبين عليه بيجي..
تغطت حصه ونامت وهي تصيح كالعاده بعد كل يجيها عريس ويرده ابوها ..

بعد شهر ..

ام حصه : شلون نقول لحصه ..
هند اخت حصه : والله يمه انه القهر عسى ربي ياخذه بعد كل هالعمر وكل هالانتظار يروح ويخطب وبكل بجاحه يعزمنا !!

حصه نازله من الدرج وسمعت اخر الكلام
فتحت الباب بقوه وقالت : منهو اللي خطب وبيعرس ؟

هند وامها يناظروون بعض ونزلوا روسهم
حصه : بعد كل هالسنين وبعد كل هالصبر يروح بكل سهوله يخطب ويدور عروس غيري
طاحت حصه وماصحت الا وهي بغرفتها وشريط عمرها يمر قدامها ..

كم حصه مثل حصتنا بهالدنيا
وكم بنت حجزوهالولد
عمها وضاع عمرها وهي تنتظرها وماتزوجها والا تزوجها وعاشت بتعاسه
ياتطلقت بعدين يانها صبرت وتتجرع المراره

لمتى هالعادات والتقاليد باقيه ؟
ولمتى البيعه للبنت باقيه ؟
ولمتى بنسكت ونخاف نقوول لا ؟

قضيه تحتاج ارائكم كتبتها واطمح لتواجدكم معي للنقاش
واعتذر عن بساطة الاسلوب في الطرح